DÇ-2018: Məhəmməd Salah Uruqvay millisi ilə görüşə hazırdır

Bakı. 14 iyun. REPORT.AZ/ İngiltərə "Liverpul"unun və Misir millisinin futbolçusu Məhəmməd dünya çempionatında iyunun 15-də keçiriləcək Uruqvayla matçda iştirak etməyə hazırdır. 

"Report" "Sky Sports"a istinadən xəbər verir ki, 26 yaşlı yarımmüdafiəçi artıq yığma komanda ilə ümumi məşqlərdə də iştirak edir. Salah Çempionlar Liqasının finalında İspaniya "Real Madrid"inə 1:3 hesabı ilə uduzduqları matçda çiynindən zədələnib. 

Qeyd edək ki, Misir - Uruqvay matçı sabah Bakı vaxtı ilə saat 16:00-da başlanacaq.