Bakı. 1 iyul. REPORT.AZ/ İspaniya və Rusiya yığmaları arasındakı 1/8 final matçında dünya çempionatları tarixində ilk dəfə dördüncü əvəzetmədən istifadə olunub.
"Report"un məlumatına görə, Rusiya millisinin baş məşqçisi Stanislav Çerçesov 97-ci dəqiqədə meydana yarımmüdafiəçi Aleksandr Yeroxini meydana buraxıb. O, Daler Kuzyayevi əvəzləyib.
Əvvəlki 3 əvəzləmə isə əsas vaxtın gedişində edilib.
Mundial ərəfəsində FİFA əlavə vaxtda dördüncü əvəzləmənin edilməsini qərara alıb.
Qeyd edək ki, Rusiya yığması əsas vaxtı 1:1 hesabı ilə nəticələnən görüşdə İspaniyanı penalti seriyasında 4:3 hesabı ilə yenərək, 1/4 finala yüksəlib.