Çimərlik futbolu üzrə Azərbaycan yığması İspaniyaya uduzub

Çimərlik futbolu üzrə Azərbaycan millisi Portuqaliyanın Nazare şəhərində keçirilən Avropa çempionatının seçmə mərhələsində növbəti oyununa çıxıb.

"Report"un məlumatına görə, yığma B qrupunun III matçında İspaniya kollektivi ilə üz-üzə gəlib.

Qarşılaşma rəqibin 6:4 hesablı qələbəsi ilə yekunlaşıb.

Qeyd edək ki, Azərbaycan seçməsi əvvəlki 2 görüşdə İtaliyaya 3:7 hesabı ilə uduzub və Almaniyaya qalib gəlib - 6:5.