Çimərlik futbolu: Azərbaycan yığması Rusiya ilə qarşılaşacaq

Bu gün Azərbaycanın çimərlik futbolu üzrə yığma komandası Dünya çempionatı- 2019-un ikinci seçmə qrup mərhələsi çərçivəsində Rusiya komandası ilə qarşılaşacaq.

“Report” xəbər verir ki, görüş Bakı vaxtı ilə 21:00-da Moskvada keçiriləcək.

Qrupun digər görüşündə İspaniya İsveçrə millisi ilə üz-üzə gələcək.

Çimərlik futbolu, DÇ-nın ikinci seçmə qrup mərhələsi

V Qrupu

İspaniya – İsveçrə – 19:45

Rusiya – Azərbaycan – 21.00

Turnir cədvəli: Rusiya – 3 xal (1 oyun), İspaniya – 3 (1), İsveçrə – 0 (1), Azərbaycan – 0 (1)

Hər qrupdan ən yaxşı komandalar finala çıxacaq və turnirdə qələbə uğrunda mübarizə aparacaq. Yerdə qalan altı komanda 3-8-ci yerlər uğrunda bir-biri ilə oynayacaq. Turnirin sonunda 5 ən yaxşı komanda 2019-cu ildə Paraqvayda keçiriləcək Dünya çempionatına vəsiqə qazanacaq.