Çexiya millisinin baş məşqçisi: "Bakıya həvəslə səyahət edəcəyik"

Çexiya millisinin baş məşqçisi: "Bakıya həvəslə səyahət edəcəyik" "Yığma xaricdə çox oynamağa və səyahət etməyə vərdiş edib. Bu çətinliklə qarşılaşacağıq"
Futbol
393
29 İyun , 2021 09:30
Çexiya millisinin baş məşqçisi: Bakıya həvəslə səyahət edəcəyik
Yaroslav Şilqavı

"Bu, həyatımın ən yaxşı oyunlarında biri idi. Rəqibin favorit olduğunu bilirdik. Bu səbəbdən, əlimizdən gələni etməli idik".

"Report"un məlumatına görə, bu fikirləri Çexiya millisinin baş məşqçisi Yaroslav Şilqavı Niderlandı 2:0 hesabı ilə məğlub etdikləri Avropa çempionatının 1/8 final mərhələsinin oyunundan sonra deyib.

60 yaşlı mütəxəssis mərhələ adlamalarından çox xoşbəxt olduğunu bildirib. Şilqavı rəqibin qırmızı vərəqə almasına baxmayaraq, 10 oyunçu ilə də yaxşı çıxış etdiyini söyləyib.

Baş məşqçi iyulun 3-də Bakıda Danimarka seçməsinə qarşı keçirəcəkləri 1/4 final qarşılaşması ilə bağlı da danışıb: "Yığma xaricdə çox oynamağa və səyahət etməyə vərdiş edib. Bu çətinliklə qarşılaşacağıq. Amma həvəslə səyahət edəcəyik".

Qeyd edək ki, iyulun 3-də Bakı Olimpiya Stadionunda keçiriləcək Çexiya - Danimarka oyunu saat 20:00-da başlayacaq.

Son xəbərlər

Orphus sistemi