Çempionlar Liqası: Mahir Emreli "Legiya"nın start heyətində

Azərbaycan milli komandasının futbolçusu Mahir Emreli Polşa "Legiya"sının heyətində növbəti rəsmi matçını bu gün keçirəcək.

"Report"un məlumatına görə, 24 yaşlı hücumçu Varşava təmsilçisinin heyətində Çempionlar Liqasının I təsnifat mərhələsində cavab görüşünə çıxacaq. O, Norveç "Budyo Qlimt"inə qarşı matçın start "11-liy"ində yer alıb.

Qeyd edək ki, görüş Bakı vaxtı ilə saat 22:00-da başlanacaq. Norveçdəki ilk matçda dubl edən Mahir Emreli "Legiya"ya qələbə qazandırıb - 3:2.