Çempionlar Liqası: Həftənin futbolçusu adına namizədlər açıqlandı

Çempionlar Liqası: Həftənin futbolçusu adına namizədlər açıqlandı Qalib azarkeşlər arasındakı səsvermə nəticəsində bəlli olacaq
Futbol
135
8 Aprel , 2021 09:00
Çempionlar Liqası: Həftənin futbolçusu adına namizədlər açıqlandı

UEFA Çempionlar Liqasında 1/4 final mərhələsinin ilk oyunlarından sonra həftənin ən yaxşı futbolçusu adına namizədlər bəlli olub.

"Report"un məlumatına görə, bu ada İngiltərənin "Mançester Siti" klubundan Kevin De Bröyne, İspaniya "Real Madrid"indən Vinisius Junior, Fransa PSJ-sindən Kilian Mbappe və İngiltərənin "Çelsi" komandasından Jorjinyo iddia edir.

De Bröyne evdə Almaniyanın "Borussiya" (Dortmund) klubunu 2:1 hesabı ilə məğlub etdikləri görüşdə fərqlənib. Jorjinyo Portuqaliyada "Portu"nu 2:0 hesabı ilə yendikləri matçda məhsuldar ötürmə ilə yadda qalıb.

Vinisius Junior İngiltərə "Liverpul"una 3:1 hesabı ilə qalib gəldikləri ev oyununda, Mbappe isə Almaniyada "Bavariya"nı 3:2 hesabı ilə üstələdikləri qarşılaşmada dubl edib.

Qeyd edək ki, qalib UEFA-nın rəsmi saytında azarkeşlər arasındakı səsvermə nəticəsində bəlli olacaq.

Son xəbərlər

Orphus sistemi