Çempionlar Liqası cavab oyunları ilə bərpa olunur

Çempionlar Liqası cavab oyunları ilə bərpa olunur UEFA Çempionlar Liqasında koronavirus pandemiyası səbəbindən təxirə salınmış 2019/2020 mövsümü bu gün qaldığı yerdən davam edəcək.
Futbol
1102
7 Avqust , 2020 07:30
Çempionlar Liqası cavab oyunları ilə bərpa olunur

UEFA Çempionlar Liqasında koronavirus pandemiyası səbəbindən təxirə salınmış 2019/2020 mövsümü bu gün qaldığı yerdən davam edəcək.

"Report"un məlumatına görə, Avropanın bir nömrəli klub turniri 1/8 final mərhələsinin cavab görüşləri ilə bərpa olunacaq.

4 matçdan yarısı ilk oyun günündə, yarısı isə avqustun 8-də baş tutacaq. "Yuventus" Fransadakı ilk qarşılaşmada minimal hesabla uduzduğu "Lion"dan bunun əvəzini İtaliyada çıxmağa çalışacaq.

Gecənin digər qarşılaşmasında İspaniya "Real Madrid"i ilə İngiltərə təmsilçisi "Mançester Siti" münasibətlərinə aydınlıq gətirəcəklər. Madrid səfərində 2:1 hesablı qələbəyə sevinən "şəhərlilər" üstünlüklərini qorumaq niyyətindədirlər.

Sabah isə "Bavariya" (Almaniya) - "Çelsi" (İngiltərə) və "Barselona" (İspaniya) - "Napoli" (İtaliya) oyunları keçiriləcək.

Çempionlar Liqası

1/8 final mərhələsi, cavab oyunları

7 avqust

23:00. "Yuventus" (İtaliya) - "Lion" (Fransa)
İlk oyun - 0:1

23:00. "Mançester Siti" (İngiltərə) - "Real Madrid" (İspaniya)
İlk oyun - 2:1

Qeyd edək ki, Çempionlar Liqasının qarşılaşmaları 1/4 finaldan "8-lər finalı" formatında Portuqaliyanın paytaxtı Lissabonda oynanılacaq.

Orphus sistemi