Bundesliqa klubu baş məşqçisini qovdu

Almaniyanın "Hoffenhaym" futbol klubu baş məşqçisi Alfred Şroyderlə yollarını ayırıb. 

"Report" klubun rəsmi saytına istinadən xəbər verir ki, 48 yaşlı hollandiyalı mütəxəssislə müqaviləyə vaxtından əvvəl xitam verilib.

Qeyd edək ki, Alfred Şroyder 2019-cu ilin yayından "Hoffenhaym"ın baş məşqçisidir. Onun sözləşməsi 2022-ci ilin yayınadək idi. Komanda Bundesliqada 30 turdan sonra 43 xalla 7-ci pillədə qərarlaşıb.