Buffon: "40 yaşım var, amma "Yuventus"da hələ də əsas oyunçu hesab olunuram"

Bakı. 23 mart. REPORT.AZ/ İtaliya milli komandasının və "Yuventus"un qapıçısı Canluici Buffon milli komandaya qayıdışı barədə ölkəsinin mətbuatına açıqlama verib.

"Report"un mlumatına görə, təcrübəli qolkiper "Yuventus"da özünü əsas oyunçu adlandırıb.

"Düşünürəm ki, hər kəs bu vəziyyəti və mənim milli komandadakı rolumu başa düşür. Çox şadam ki, yığmaya qayıdışım müsbət qarşılandı. Karyeramda bu komandaya görə bəzi şeylərdən imtina etdim və fədakarlıq göstərdim. 40 yaşım var, amma "Yuventus"da hələ də əsas oyunçu hesab olunuram. İtaliya milli komandasında və "Yuventus"da keçirəcəyim növbəti matçların karyeramın son oyunları olacağını bilirəm. İndi çox sakitəm", - Canluici Buffon deyib.