Bu gün DÇ-2018-də 3 oyun keçiriləcək

Bu gün DÇ-2018-də 3 oyun keçiriləcək Bakı. 15 iyun. REPORT.AZ/ Rusiyada start götürən dünya çempionatında bu gün daha 3 oyun keçiriləcək.
Futbol
103
15 İyun , 2018 05:56
Bu gün DÇ-2018-də 3 oyun keçiriləcək

Bakı. 15 iyun. REPORT.AZ/ Rusiyada start götürən dünya çempionatında bu gün daha 3 oyun keçiriləcək.

"Report"un məlumatına görə, əvvəlcə A qrupunun Misir - Uruqvay qarşılaşması start götürəcək.

Yekaterinburqda təşkil olunacaq matçı hollandiyalı Byorn Kuypers idarə edəcək. Bu görüşdə Misir yığmasının heyətində Məhəmməd Salahın çıxış edib-etməyəcəyi maraq doğurur. Çempionlar Liqasının finalında İspaniya "Real Madrid"i ilə oyunda zədələnən İngiltərə "Liverpul"unun yarımmüdafiəçisinin bugünkü oyuna hazır olduğu bildirilir. Lakin hələlik bu xəbər rəsmən təsdiqlənməyib.

Qrupun ilk oyununda Rusiya Səudiyyə Ərəbistanını darmadağın edib - 5:0.

Günün daha 2 oyunu B qrupuna təsadüf edəcək. Sankt Peterburqda Mərakeş İranla üz-üzə gələcək. Görüşü türkiyəli referi Cüneyt Çakır idarə edəcək. Günə qrupun digər qarşılaşması olan Portuqaliya - İspaniya matçı ilə yekun vurulacaq. Portuqaliya 2016-cı il Avropa, İspaniya isə 2010-cu il dünya, 2008 və 2012-ci il Avropa çempionatının qalibi olub. İspaniya bu görüşə yeni baş məşqçi ilə çıxacaq. "Real Madrid"ə baş məşqçi təyin olunduqdan sonra millidən qovulan Xulen Lopeteginin əvəzinə yığmanı meydana Fernando Yerro çıxaracaq. Matçı isə italiyalı Canluka Rokki idarə edəcək.

DÇ-2018

15 iyun

A qrupu

16:00. Misir - Uruqvay

Hakimlər: Byorn Kuypers, Sander van Rökel, Ervin Zeinstra (hamısı Hollandiya), Milorad Majiç, Milovan Ristiç (hər ikisi Serbiya)

Yekaterinburq, Mərkəzi stadion

B qrupu

19:00. Mərakeş - İran

Hakimlər: Cüneyt Çakır, Bahattin Duran, Tarık Onqun (hamısı Türkiyə), Sergey Karasyov, Anton Averyanov (hər ikisi Rusiya)

"Sankt-Peterburq" stadionu

22:00. Portuqaliya - İspaniya

Hakimlər: Canluka Rokki, Elenito di Liberatore, Mauro Tonolini (hamısı İtaliya), Ryuji Sato, Toru Sqara (hər ikisi Yaponiya)

Soçi, "Fişt" stadionu

Qeyd edək ki, oyunların başlama saatları Bakı vaxtı ilə göstərilib.

Son xəbərlər

Orphus sistemi