Braziliyada hakimi döyən müdafiəçi futboldan kənarlaşdırılıb

Braziliyanın "SK San-Paulu" klubunun müdafiəçisi Uilyam Ribeyro futboldan kənarlaşdırılıb

"Report" UOL nəşrinə istinadən xəbər verir ki, buna 30 yaşlı oyunçunun "Quarani" ilə görüşdə baş hakim Rodriqo Krivellaroya hücum etməsi səbəb olub.

Ribeyro qarşıdakı 2 ildə peşəkar futbolla məşğul ola bilməyəcək.

Qeyd edək ki, hadisə oktyabrın 5-də keçirilmiş matçın 61-ci dəqiqəsində baş verib. Müdafiəçi hakimi yumruqla vurub, sonra isə boynuna təpiklə zərbə endirib. Huşunu itirən referi xəstəxanaya aparılıb və görüş dayandırlıb.

Polis Ribeyronun hərəkətlərini qətlə cəhd kimi qiymətləndirib. Yerli həbsxanaya göndərilən futbolçu cərimə də ödəyəcək.

Só acho que um atleta desse, isso se dá pra chamar de atleta, deve ser banido do futebol até a quinta geração por tal ato. pic.twitter.com/5cGWB3leep

— Divisão de Acesso (@divisaodeacesso) October 5, 2021