Braziliyada hakimi döyən futbolçu həbs edilib

Braziliyanın "SK San-Paulu" klubunun futbolçusu Uilyam Ribeyro həbs edilib.

"Report" ESPN-ə istinadən xəbər verir ki, buna 30 yaşlı oyunçunun "Quarani" ilə görüşdə baş hakim Rodriqo Krivellaroya hücum etməsi səbəb olub.

Hadisə qarşılaşmanın 61-ci dəqiqəsində baş verib. Müdafiəçi hakimi yumruqla vurub, sonra isə boynuna təpiklə zərbə endirib. Huşunu itirən referi xəstəxanaya aparılıb və görüş dayandırlıb.

Polis Ribeyronun hərəkətlərini qətlə cəhd kimi qiymətləndirib.Yerli həbsxanaya göndərillən futbolçu cərimə də ödəyəcək.

Só acho que um atleta desse, isso se dá pra chamar de atleta, deve ser banido do futebol até a quinta geração por tal ato. pic.twitter.com/5cGWB3leep

— Divisão de Acesso (@divisaodeacesso) October 5, 2021