Bolqarıstan klubu "Qarabağ"ın futbolçusuna təklif göndərib

Bolqarıstan millisinin futbolçusu Simeon Slavçev qış fasiləsində "Qarabağ"ı tərk edə bilər.

"Report" "Topsport"a istinadən xəbər verir ki, 26 yaşlı yarımmüdafiəçinin xidmətində "Levski" maraqlıdır. Bolqarıstan təmsilçisinin Slavçev üçün Ağdam klubuna sərfəli təklif irəli sürdüyü bildirilir.

Qeyd edək ki, "Qarabağ" Slavçevlə 2018-ci ilin iyulunda 3 illik müqavilə imzalayıb. O, son vaxtlar "11-liy"ə düşə bilmir.