Bakı. 5 yanvar. REPORT.AZ/ Belarus Futbol Federasiyasının Hakimlər Departamentinin keçmiş rəhbəri Andrey Jukova həbs olunub.
"Report"un məlumatına görə, Minsk Mərkəzi Məhkəməsi korrupsiyada ittiham olunan sabiq sədri 5 il müddətinə azadlıqdan məhrum edib.
A.Jukov əmlakı müsadirə olunmaqla, cəzasını ciddi rejimli koloniyada çəkəcək. O, 2014-cü ilin oktyabrından 2016-cı ilin iyununadək yüksək və I Liqa oyunlarına hakim təyinatı məsələlərini rüşvətlə həll edib. Araşdırmalar nəticəsində onun dəfələrlə rüşvət alması faktları üzə çıxıb. "Ənam"ın məbləği isə hər dəfə 100 - 200 dollar təşkil edib.
Qeyd edək ki, Andrey Jukov futbol fəaliyyətindən ömürlük məhrum olunub.