"Barselona"nın Messinin gedişindən sonra itirəcəyi məbləğ açıqlanıb

"Brand Finance" konsaltinq şirkəti argentinalı futbolçu Lionel Messinin "Barselona"dan gedişinin maliyyə nəticələrini qiymətləndirib.

"Report" xəbər verir ki, mütəxəssislər klubun maliyyə itkilərinin 137 milyon avro dəyərində olacağını açıqlayıblar.

Bu məbləğə gəlir itkiləri, markanın istifadəsi ilə əlaqədar reklam qazancı və s. daxildir. 34 yaşlı forvardın gedişindən sonra "Barselona" brendinin dəyəri 11% azalacaq.

La Liqa təmsilçisi sponsorluq gəlirindən 77 milyon avro, forma və digər malların satışından isə 43 milyon avro itirəcək.

Qeyd edək ki, Lionel Messinin Fransanın PSJ klubuna keçəcəyi gözlənilir.