"Barselona" Kral Kubokunun yarımfinalına çıxıb

Bakı. 26 yanvar. REPORT.AZ/ "Barselona" futbol klubu İspaniya Kubokunun ¼ final matçında "Espanyol" komandası ilə üz-üzə gəlib.

"Report"un məlumatına görə, "Kamp Nou" stadionunda baş tutan qarşılaşma meydan sahiblərinin 2:0 qələbəsi ilə başa çatıb.

Qolları rəqib komandasının qapısından Luis Suares və Lionel Messi keçirib. Bununla da "Barselona" iki oyunun nəticəsinə görə Kral Kubokunun yarımfinalına çıxıb.

İlk oyun "Espanyol"un 1:0 qələbəsi ilə başa çatıb.