"Barselona" Dembele ilə müqaviləni ləğv edir

İspaniyanın "Barselona" klubu futbolçusu Usman Dembele ilə müqaviləni ləğv etmək istəyir.

"Report" "Mundo Deportivo" nəşrinə istinadən xəbər verir ki, Kataloniya təmsilçisinin rəhbərliyi 24 yaşlı hücumçunun taleyini iclasda müzakirə edəcək.

Bəzi klub rəsmiləri fransalı oyunçu ilə müqaviləyə dərhal xitam verilməsinin tərəfdarıdırlar.

Qeyd edək ki, "Barselona" yanvarda Usman Dembeleni satmaq istəsə də, klub tapa bilməyib. Forvardın sözləşməsi yayda başa çatmalıdır.