Azərbaycanda oynamış ukraynalı qapıçı Türkiyə klubuna keçib

Ukrayna millisinin və "Səbail"in sabiq qapıçısı Aleksandr Rıbka Türkiyənin "Boluspor" klubuna keçib.

"Report" I Liqa təmsilçisinin rəsmi saytına istinadən xəbər verir ki, 35 yaşlı qolkiperlə cari mövsümün sonunadək müqavilə imzalanıb.

Təcrübəli oyunçunun son klubu Ukrayna "Metallist"i olub.

Qeyd edək ki, Aleksandr Rıbka 2019/2020 mövsümündə "Səbail"in formasını geyinib.