Azərbaycanda oynamış futbolçular Latviya tarixinin rəmzi komandasına düşüb

Beynəlxalq Futbol Tarixi və Statistikaları Federasiyası (IFFHS) Latviya futbol tarixinin rəmzi komandasını açıqlayıb.

"Report"un IFFHS-ın rəsmi saytına istinadən məlumatına görə, ən yaxşı "11-lik"də Azərbaycanda oynamış iki futbolçu da yer alıb.

Bunlar "Bakı" klubunun sabiq yarımmüdafiəçisi Andrey Ştoltsers və keçmiş hücumçusu Maris Verpakovskisdir.

Qeyd edək ki, Ştoltsers 2005/2006, Verpakovskis isə 2011/2012 mövsümündə paytaxt klubunun formasını geyinib.