Bakı. 22 fevral. REPORT.AZ/ Azərbaycan milli komandasının sabiq futbolçusu Rüfət Dadaşov Almaniyada fərqlənib. "Report"un məlumatına görə, Regional Liqa təmsilçisi “Germania Halberştadt”ın şərəfini qoruyan 25 yaşlı hücumçu son turda etdiyi dublla komandasına səfər qələbəsi qazandırıb - 2:1.
Şimal-şərq zonasında çıxış edən Dadaşovun komandası “Möselvits”in qonağı olub. Azərbaycan əsilli hücumçu oyunun 51 və 81-ci dəqiqələrində rəqib qapısına yol tapıb.
Qeyd edək ki, Rüfət Dadaşov Azərbaycan millisində almaniyalı sabiq baş məşqçi Berti Foqtsun vaxtında çıxış eidb və 16 oyunda 4 qol vurub.