Bakı. 22 oktyabr. REPORT.AZ/ Azərbaycan milli komandasının və Bakının “İnter” klubunun futbolçusu Rauf Əliyev əməliyyat olunub. "Report"un məlumatına görə, əməliyyat AFFA-nın vəsaiti hesabına Almaniyanın Plattlinq şəhərində baş tutub.
Tibbi müdaxilə uğurlu alınıb.
Qeyd edək ki, Rauf Əliyev Azərbaycan Premyer Liqasının IV turunda "Qəbələ" ilə oyunun 76-cı dəqiqəsində zədələnərək əvəzlənib. İlkin müayinə nəticəsində 26 yaşlı hücumçunun xaçabənzər bağlarında qırıq aşkarlanıb. Millinin düşərgəsində zədələnməsə də, təcrübəli forvardın müalicəsini AFFA öz hesabına həyata keçirməyi qərara alıb.