Azərbaycan millisi ilə yoldaşlıq oyunu keçirəcək Latviya yığmasının baş məşqçi postuna namizədlər müəyyənləşib

Azərbaycan millisi ilə yoldaşlıq oyunu keçirəcək Latviya yığmasının baş məşqçi postuna namizədlər müəyyənləşib Bakı. 25 aprel. REPORT.AZ/ İyunun 9-da Riqada Azərbaycan millisi ilə yoldaşlıq oyunu keçirəcək Latviya yığmasının baş məşqçisi postuna namizədlər müəyyənləşib.
Futbol
26 Aprel , 2018 10:03
Azərbaycan millisi ilə yoldaşlıq oyunu keçirəcək Latviya yığmasının baş məşqçi postuna namizədlər müəyyənləşib

Bakı. 25 aprel. REPORT.AZ/ İyunun 9-da Riqada Azərbaycan millisi ilə yoldaşlıq oyunu keçirəcək Latviya yığmasının baş məşqçisi postuna namizədlər müəyyənləşib.

“Report” “Sporta Centrs” portalına istinadən xəbər verir ki, Latviya Futbol Federasiyasının prezidenti postuna iddia edən Krişyanis Klyavinş və Vadim Laşenko öz təkliflərini irəli sürüblər. 

Klyavinşin əsas namizədi Türkiyənin “Fənərbağça” komandasının sabiq almaniyalı baş məşqçisi Kristof Daumdur. O, həmçinin sloveniyalı Sreçko Katanets və almaniyalı Folker Finkeni də təklif edib. Laşenko isə prezident seçiləcəyi təqdirdə, danimarkalı Henrix Larsen və ya ingiltərəli Deyv Consu yığmanın sükanı arxasında görmək istəyir.

Qeyd edək ki, LFF-nin İcraiyyə Komitəsinin aprelin 6-da keçirilmiş iclasında Aleksandr Starkovun istefaya göndərilməsindən sonra Latviya yığmasının baş məşqçi postuna namizədləri təqdim etmək üçün İşçi Qrup yaradıb. Baş katib Yanis Mejetskis, LFF-nin Elit İnkişaf Layihəsinin rəhbəri Maris Verpakovskis və milli asossiasiyanın idman direktoru Daynis Kazakeviçdən ibarət qrup yığmaya namizədləri təklif etməlidir.

Digər tərəfdən, aprelin 27-də LFF-də prezident postuna seçki olacaq. Rəhbər vəzifəyə Vadim Laşenko və Krişyanis Klyavinşlə yanaşı, Kaspar Qorkş da namizəddir. Qorkş yığmaya vaxtilə "Ventspils"də birgə çalışdığı "Qəbələ"nin baş məşqçisi Roman Qriqorçuku gətirmək istəyir. 

Qeyd edək ki, yeni baş məşqçi seçkidən sonra - mayın 3-də müəyyənləşəcək.

Son xəbərlər

Orphus sistemi