Azərbaycan millisi 2017-ci ili 117-ci pillədə başa vurur

Bakı. 21 dekabr. REPORT.AZ/ FIFA dünya yığmalarının yeni reytinq siyahısını açıqlayıb. "Report"un məlumatına görə, Azərbaycan milli komandasının ötən ayla müqayisədə mövqeyində dəyişiklik baş verməyib.

Qurban Qurbanovun baş məşqçi olduğu komanda 281 xalla 117-ci pillədə qərarlaşıb. Bu, 2017-ci ilin son reytinq siyahısıdır. Fevralın 2-də Azərbaycan millisi ilə yoldaşlıq görüşü keçirəcək Gürcüstan yığması isə 322 xalla 104-cü pillədə qalıb.

Qeyd edək ki, siyahıda 1602 xala malik Almaniya yığması liderliyini davam etdirib. Braziliya 1483 xalla 2-ci, Portuqaliya 1358 xalla 3-cüdür.