Azərbaycan Kubokunun oyunu “Araz-Naxçıvan” üçün ilklərlə əlamətdar olub

Azərbaycan Kubokunun II təsnifat mərhələsi “Araz-Naxçıvan” üçün ilklərlə əlamətdar olub.

"Report" Peşəkar Futbol Liqasının rəsmi saytına istinadən xəbər verir ki, “Kür-Araz”a 6:1 hesabı ilə qalib gələn Naxçıvan təmsilçisi turnirdə ilk böyükhesablı qələbəsini qazanıb.

Muxtar Respublika klubu bunadək yalnız minimal hesabla qalib gəlməyi bacarmışdı.

Bu qələbə həm də səfərdə əldə olunan ilk uğurdur. “Araz-Naxçıvan” səfərdə keçirdiyi əvvəlki matçların hamısında uduzmuşdu.