Azərbaycan Kuboku: "Keşlə" finala yüksəldi

Azərbaycan Kuboku: "Keşlə" finala yüksəldi Futbol üzrə Azərbaycan Kubokunda yarımfinal mərhələsinə yekun vurulub.
Futbol
281
29 Aprel , 2021 22:34
Azərbaycan Kuboku: Keşlə finala yüksəldi

Futbol üzrə Azərbaycan Kubokunda yarımfinal mərhələsinə yekun vurulub.

"Report"un məlumatına görə, günün ikinci cavab oyununda "Zirə" "Keşlə"ni qəbul edib.

Gərgin mübarizə şəraitində keçən qarşılaşmada qonaqlar qələbə qazanıb. Görüşdə hesab 48-ci dəqiqədə açılıb. "Keşlə"nin heyətində Şəhriyar Əliyev avtoqol müəllifi olub.

66-cı dəqiqədə Sezar Meza Kolli hesabı bərabərləşdirib. 30 yaşlı paraqvaylı yarımmüdafiəçi 90+1-ci dəqiqədə penaltini dəqiq yerinə yetirib.

"Zirə" ilk görüşdə 2:1 hesablı qələbə qazandığından, matçda əlavə vaxt oynanılıb. 92-ci dəqiqədə Sezar Meza Kolli özünün və komandasının üçüncü qoluna imza atıb. 112-ci dəqiqədə Klesio Bauk fərqi azaltsa da, "Keşlə" yekunda 3:2 hesablı qələbəyə sevinib.

Beləliklə, "Keşlə" tarixində 6-cı dəfə Azərbaycan Kubokunun finalına vəsiqə qazanıb. Komanda həlledici qarşılaşmada "Sumqayıt"la üz-üzə gələcək. Final oyunu mayın 24-də "Bank Respublika Arena"da gerçəkləşəcək.

Son xəbərlər

Orphus sistemi