Millimizin baş məşqçisi federasiya prezidenti oldu

Azərbaycan Əlillər Futbolu Federasiyasının (AƏFF) videokonfrans formatında Konfransı keçirilib.

"Report"un məlumatına görə, konfransda Sahə Futbol Federasiyaları İctimai Birliyinin prezidenti, AFFA-nın İcraiyyə Komitəsinin üzvü Mahir Məmmədov, AFFA-nın baş katibinin müavini Sərxan Hacıyev, Əlillər Futbolu Federasiyasının icraçı direktoru, eşitməqüsurlu futbolçulardan ibarət milli komandanın baş məşqçisi Elşad İbrahimli və digər rəsmi şəxslər iştirak ediblər.

Konfransı giriş sözü ilə SFFİB-nin prezidenti Mahir Məmmədov açıb. Əvvəlcə Əlillər Futbolu Federasiyasının sabiq prezidenti mərhum Şaiq Həmidovun xatirəsi bir dəqiqəlik sükutla yad olunub. Sonra federasiyanın icraçı direktoru ötən müddət ərzində görülmüş işlər barədə hesabat xarakterli çıxış edib.

Konfransa Azərbaycan Əlillər Futbolu Federasiyasının prezidenti vəzifəsinə seçki keçirilib. Elşad İbrahimli federasiyanın prezidenti seçilib.