Ayxan Abbasov: "Dua edəcəyik ki, futbolçular zədəli qayıtmasın"

Ayxan Abbasov: "Dua edəcəyik ki, futbolçular zədəli qayıtmasın" "Hər iki tərəf qalib gəlmək istəyirdi. Rəqib komandada məşqçi dəyişikliyi özünü göstərir".
Futbol
477
13 Mart , 2021 21:40
Ayxan Abbasov: Dua edəcəyik ki, futbolçular zədəli qayıtmasın

"Hər iki tərəf qalib gəlmək istəyirdi. Rəqib komandada məşqçi dəyişikliyi özünü göstərir".

"Report"un məlumatına görə, bu fikirləri "Sumqayıt"ın baş məşqçisi Ayxan Abbasov evdə "Keşlə" ilə 2:2 hesablı heç-heçə etdikləri Azərbaycan Premyer Liqasının XX turunun oyunundan sonra mətbuat konfransında deyib.

40 yaşlı mütəxəssis komandasının fasilədən sonra təşəbbüsə yiyələndiyini bildirib: "Sıx qrafik, zədəlilər, sarı vərəqələr öz təsirini göstərir. Rotasiyalara əl atmağa məcbur olduq. Fasilədən istifadə edəcəyik. Dördüncü dövrədə uğurlu olmağa çalışacağıq".

Abbasov matç ərzində iki dəfə geridönüş etmələrinin onu sevindirdiyini söyləyib: "Sürət var idi, hər iki tərəf qalib gələ bilərdi. Futbolda belə bir deyim var: uda bilmirsənsə, çalış uduzma".

Baş məşqçinin sözlərinə görə, əsas və gənclər yığmasına xeyli sayda futbolçu vermək onu həm sevindirir, həm də düşündürür: "Belədə, ehtiyat oyunçu skamyası geniş olmalıdır ki, bu da bizdə yoxdur. Dua edəcəyik ki, bu futbolçular düşərgəmizə zədəli qayıtmasın".

Son xəbərlər

Orphus sistemi