“Ayntraxt” azarkeşləri Bakıdakı finalın biletlərini daun sindromlu uşaqlara hədiyyə edib - VİDEO

Bakı Olimpiya Stadionunda təşkil olunmuş UEFA Avropa Liqasının final oyunu öncəsi Almaniyanın “Ayntraxt” (Frankfurt) klubunun azarkeşləri aksiya keçiriblər.

"Report" xəbər verir ki, finala yüksələcək komandalar müəyyənləşməzdən əvvəl qarşılaşmaya bilet alan almaniyalı fanatlar azarkeşlik etdikləri klub həlledici oyuna vəsiqə qazana bilmədiyi üçün Bakıya gəlməsələr də, həmin biletləri paytaxta göndəriblər.

“Ayntraxt” azarkeşlərinin istəyinə uyğun olaraq, 300 bilet AFFA-nın texniki direktoru Bernhard Lippertin vasitəçiliyi ilə Daun Sindromlu Şəxslərin Reabilitasiya Mərkəzində olan uşaqlara hədiyyə olunub. 

Qeyd edək ki, mayın 29-da keçirilən qarşılaşmada "Çelsi" "Arsenal"ı 4:1 hesabı ilə məğlub edib.