"Ayaks" yeni baş məşqçisini təqdim edib

Niderland "Ayaks"ı yeni baş məşqçisini təqdim edib.

"Report" Amsterdam təmsilçisinin rəsmi saytına istinadən xəbər verir ki, Alfred Sxröderlə 2+1 illik müqavilə imzalanıb.

50 yaşlı mütəxəssis bu vəzifədə İngiltərənin "Mançester Yunayted" klubunun sükanı arxasına keçən Erik ten Haqı əvəzləyib.

Qeyd edək ki, son klubu Belçika "Brügge"si olan Alfred Sxröder 2018/2019 mövsümündə "Ayaks"da köməkçi məşqçi işləyib.