Avstraliyada meksikalı döyüşçü maskasında meydana girən sabiq referi 10 il müddətinə cəzalanıb

Avstraliyada gənclərdən ibarət komandalar arasındakı futbol matçında qeyri-adi hadisə baş verib.

"Report"un məlumatına görə, ikinci hissədə meydana meksikalı döyüşçü maskası geyinmiş şəxs qaçıb. Maskasını çıxardıqdan sonra onun keçmiş futbol hakimi olduğu müəyyənləşib. Bu referi son bir ildə Kanberrada müxtəlif etiraz aksiyalarına qatılıb. 

Nəticədə sabiq hakim 10 il müddətinə diskvalifikasiya edilib. O, yerli və beynəlxalq səviyyəli istənilən matçlara baş çəkə bilməz.