Avropa Liqasında finalçılar müəyyənləşdi

Avropa Liqasında finalçılar müəyyənləşdi İngiltərənin "Mançester Yunayted" və İspaniyanın "Vilyarreal" komandaları həlledici qarşılaşmaya vəsiqə qazanıblar
Futbol
606
7 May , 2021 00:55
Avropa Liqasında finalçılar müəyyənləşdi

UEFA Avropa Liqasında finalçıların adına aydınlıq gəlib.

"Report"un məlumatına görə, yarımfinalın cavab oyunlarından sonra İngiltərənin "Mançester Yunayted" və İspaniyanın "Vilyarreal" komandaları həlledici qarşılaşmaya vəsiqə qazanıblar.

"Qırmızı şeytanlar" İtaliya "Roma"sını mübarizədən kənarlaşdırıb. Evdəki ilk matçda 6:2 hesablı qələbə qazanan Mançester təmsilçisi cavab görüşündə 2:3 hesabı ilə uduzsa da, adını finala yazdırıb. Qarşılaşmada hesabı 39-cu dəqiqədə Edinson Kavani açıb. İlk hissə qonaqların minimal üstünlüyü ilə başa çatıb. Fasilədən sonra fəallığı artıran "canavarlar" 57-ci dəqiqədə tarazlığı bərpa ediblər. Cəmi 3 dəqiqə sonra Brian Kristante 2-ci qolu "Mançester Yunayted"in qapısından keçirib. Lakin meydan sahiblərinin qələbə sevinci 8 dəqiqə çəkib. Kavani özünün və komandasının 2-ci qolunu vuraraq, hesabı bərabərləşdirib. Matçda son nöqtəni isə 83-cü dəqiqədə "Roma"nın 19 yaşlı hücumçusu Nikola Zalevski qoyub.

"Qarabağ"la eyni qrupda mübarizə aparmış "Vilyarreal" isə 2 oyunun nəticəsinə əsasən, İngiltərə "Arsenal"ından güclü olub. İspaniyada rəqibinə 2:1 hesabı ilə qalib gələn "sarı sualtı qayıq" Londonda qolsuz bərabərliyə nail olaraq, finala adlayıb.

UEFA Avropa Liqası, yarımfinal

Cavab oyunları

23:00. "Arsenal" (İngiltərə) - "Vilyarreal" (İspaniya) - 0:0

İlk oyun - 1:2

23:00. "Roma" (İtaliya) - "Mançester Yunayted" (İngiltərə) - 3:2

Qollar: Edin Ceko, 57, Brian Kristante, 60, Nikola Zalevski, 83 - Edinson Kavani, 39; 68

İlk oyun - 2:6

Qeyd edək ki, Avropa Liqasının finalı mayın 26-da Polşanın Qdansk şəhərində keçiriləcək.

Son xəbərlər

Orphus sistemi