Avropa Liqası: "Qarabağ"ın mümkün rəqibi müəyyənləşib

UEFA Avropa Liqasının pley-off mərhələsinin püşkatma mərasimi keçirilib.

"Report"un məlumatına görə, UEFA Çempionlar Liqasının III təsnifat mərhələsində baş tutacaq "Qarabağ" – “Ludoqorets” (Bolqarıstan) cütünün məğlubunun potensial rəqibi müəyyənləşib.

Məğlub komanda "Petrokub" (Moldova) – TNS (Uels) cütündə qalib gələn kollektivlə qarşılaşacaq.

Qeyd edək ki, Avropa Liqasının III təsnifat mərhələsinin matçları avqustun 8-də və 15-də baş tutacaq.