AVRO-2020: Millimizin baş məşqçisi favoritlərini açıqladı

AVRO-2020: Millimizin baş məşqçisi favoritlərini açıqladı Azərbaycan millisinin baş məşqçisi Canni De Byazi Avropa çempionatındakı favoritlərini açıqlayıb.
Futbol
544
14 İyun , 2021 09:26
AVRO-2020: Millimizin baş məşqçisi favoritlərini açıqladı
Canni De Byazi

Azərbaycan millisinin baş məşqçisi Canni De Byazi Avropa çempionatındakı favoritlərini açıqlayıb.

"Report"un məlumatına görə, 65 yaşlı mütəxəssis İtaliya, İngiltərə, Fransa və Belçikanı fərqləndirib. İtaliyalı baş məşqçi İngiltərənin Xorvatiyanı 1:0 hesabı ilə yendiyi görüşün kifayət qədər darıxdırıcı alındığını, amma qələbənin layiqli olduğunu vurğulayıb.

De Byazi Belçika yığmasının Rusiyanı 3:0 hesabı ilə məğlub etdiyi qarşılaşmadakı "dubl" müəllifi Romelu Lukakunu qeyri-adi və fiziki baxımdan qarşısıalınmaz futbolçu adlandırıb.

Baş məşqçinin fikrincə, İtaliyanın Türkiyəyə 3:0 hesabı ilə qalib gəldiyi qarşılaşmanı əsas tutaraq, bununla kifayətlənməmək və müəyyən hesablamalar aparmamaq lazımdır: "İtaliya çox yaxşı oynayır və topa sahib olur. Bu, baş məşqçinin istəyini çətinlik çəkmədən yerinə yetirən komandadır".

Qeyd edək ki, Canni De Byazinin dördüncü favorit komandası olan Fransa millisi ilk görüşünü iyunun 15-də Almaniyaya qarşı keçirəcək.

Son xəbərlər

Orphus sistemi