AVRO-2020: İsveçrə - Türkiyə matçının açılış mərasimi oldu

Bakı Olimpiya Stadionunda Avropa çempionatının A qrupunda III turun İsveçrə - Türkiyə oyununun açılış mərasimi keçirilib.

"Report"un məlumatına görə, ilk olaraq meydanın mərkəzində böyük pankart açılıb və AVRO-2020-nin rəsmi himni səsləndirilib.

Daha sonra meydanın hər iki tərəfində yığma komandaların nəhəng formaları təqdim edilib.

Qeyd edək ki, qarşılaşma saat 20:00-da start götürəcək.

Foto: Ehtiram Cəbi