​AVRO-2016: Çexiya son dəqiqələrdə məğlubiyyətdən xilas olub - VİDEO

Bakı. 17 iyun. REPORT.AZ/ Futbol üzrə Avropa çempionatı çərçivəsində "D" qrupunda növbəti turun oyunu keçirilib.

"Report" xəbər verir ki, bu turda Xorvatiya Çexiya ilə qarşılaşıb.

Xorvatların üstünlüyü şəraitində keçən oyunda hesab 37-ci dəqiqədə açılıb. İvan Perisic komandasının üstünlüyünü hesaba yansıdıb. Matçın 59-cu dəqiqəsində Xorvatiya hesabı 2:0-a çatdırıb. Bu dəfə İvan Rakitiç fərqlənib. Lakin Çexiya millisi bu hesabla barışmayıb. Oyunun 76-cı dəqiqəsində Milan Skoda hesab arasındakı fərqi azaldıb – 1:2. Matçın əsas vaxtına əlavə olunan dəqiqələrdə isə çexlər Tomas Necidin penaldan vurduğu qol ilə oyunda bərabərlik yaradıblar.