"Arsenal" "Yuventus"un müdafiəçisi ilə müqavilə bağlayıb - RƏSMİ

Bakı. 5 iyun. REPORT.AZ/ İngiltərənin "Arsenal" klubu 2018-2019 mövsümü üçün ilk futbolçu transferini gerçəkləşdirib. 

"Report"un klubun rəsmi saytına istinadən verdiyi məlumata görə, London təmsilçisi İtaliya "Yuventus"unun müdafiəçisi Ştefan Lixtştayneri heyətinə qatıb. 34 yaşlı isveçrəli müdafiəçi yeni komandasında 12 nömrəli forma ilə çıxış edəcək. 

Qeyd edək ki, Ştefan Lixtştayner 2011-ci ildən "Yuventus"da çıxış edib.