İngiltərənin “Arsenal” klubu Bakıda keçiriləcək UEFA Avropa Liqasının final matçının hazırlıqlarına başlayıb.
“Report” xəbər verir ki, bu gün London təmsilçisinin təlim-məşq bazasında gerçəkləşən hazırlıq prosesi media üçün açıq olub. Futbolçular isinmə hərəkətlərindən sonra taktiki tapşırıqları yerinə yetiriblər. Ardınca isə onlar həndbol oynayıblar.
Bu gün Bakı vaxtı ilə saat 17:30-a baş məşqçi Unay Emerinin mətbuat konfransı nəzərdə tutulub.
Qeyd edək ki, “Arsenal” mayın 29-da Bakı Olimpiya Stadionunda baş tutacaq finalda Londonun digər təmsilçisi “Çelsi” ilə qarşılaşacaq.