Arda Turan karyerasını Amerikada davam etdirə bilər

Arda Turan karyerasını Amerikada davam etdirə bilər "Barselona"nın yarımmüdafiəçisi "Çikaqo Fayr" klubu ilə danışıqlar aparır
Futbol
6 Yanvar , 2018 06:53
Arda Turan karyerasını Amerikada davam etdirə bilər

Bakı. 6 yanvar. REPORT.AZ/ Kataloniyanın "Barselona" klubunun türk yarımmüdafiəçisi Arda Turan Amerika MLS-də çıxış edən "Çikaqo Fayr" klubu ilə danışıqlar aparır.

“Report” "Daily Mail"ə istinadən xəbər verir ki, bu mövsüm komandasının heyətində bir dəfə də olsun meydana çıxmayan 30 yaşlı xavbek kataloniyalıların baş məşqçisi Ernesto Valverdenin etimadını qazana bilməyib.

Həmçinin bildirilir ki, "göy-qırmızılar"la müqaviləsi 2020-ci ilin yayında bitən Turan İngiltərə və İtaliyadan olan klublara təklif olunub.

Turan "Barselona"ya "Atletiko"dan 2015-ci ildə 34 milyon avro müqabilində transfer olunub. O, Kataloniya klubunda keçirdiyi 55 oyuna 15 qol vurub və 11 məhsuldar ötürmə edib.

Son xəbərlər

Orphus sistemi