Antonio Konte Premyer Liqada yeni rekorda imza atıb

"Tottenhem" klubunun baş məşqçisi Antonio Konte İngiltərə Premyer Liqasında yeni rekorda imza atıb.

"Report" yarışın rəsmi tviter hesabına istinadən xəbər verir ki, 52 yaşlı mütəxəssis buna "Sautgempton"la 1:1 hesablı heç-heçə etdikləri XX tur oyununda nail olub.

Konte London təmsilçisinin tarixinə daxili çempionatda keçirdiyi ilk yeddi oyunda uduzmayan ilk baş məşqçi kimi düşüb.

Qeyd edək ki, "Tottenhem" hazırda 30 xalla 6-cı pillədə qərarlaşıb. Antonio Konte komandanın sükanı arxasına noyabrın 2-də keçib. İtaliyalı mütəxəssisin müqaviləsi 2023-cü ilədək nəzərdə tutulub.