Bakı 23° C
https://static.report.az/photo/34bcdc1d-fce7-307f-b3c1-0f553a2497a5.jpg
Braziliyada Amerika-2021 kubokunun A qrupunun ikinci turunun Argentina və Uruqvay yığmaları arasında matçı keçirilib.
“Report” xəbər verir ki, görüş Argentina yığmasının 1:0 hesablı qələbəsi ilə başa çatıb.
Argentinalıların qələbə qolunu 27 yaşlı yarımmüdafiəçi Qvido Rodriqes 13-cü dəqiqədə vurub. O, hücumçu Lionel Messinin ötürməsini uğurla başa çatdırıb
Beləliklə, Argentina yığması iki matçda dörd xal yığaraq, A qrupunun yarış cədvəlində Çili komandası ilə birinci yeri bölüşür. Turnir cədvəlində ilk üçlüyü aktivində 3 xal olan Paraqvay yığması qapayır. Uruqvay və Boliviyanın xalları yoxdur.
