Bakı. 14 dekabr. REPORT.AZ/ AVRO-2020-nin ev sahibi şəhərlərindən olan Belçikanın paytaxtı Brüsseldə loqotipinin təqdimat mərasimi keçirilib. "Report"un AFFA-nın rəsmi saytına istinadən verdiyi məlumata görə, tədbirdə AFFA-nın baş katibi Elxan Məmmədov və beynəlxalq əlaqələr şöbəsinin müdiri Könül Mehtiyeva iştirak edib.
Brüsselin meriya binasında təşkil olunan tədbirə UEFA İcraiyyə Komitəsinin üzvü Mixael van Praaq da qatılıb.
Qeyd edək ki, sentyabrın 30-da Bakıda təşkil olunmuş analoji tədbirdə Belçika Futbol Federasiyasının nümayəndələri iştirak edib.