AFFA "Keşlə"yə texniki məğlubiyyət verdi

AFFA "Keşlə"yə texniki məğlubiyyət verdi AFFA İntizam Komitəsi Azərbaycanın I Divizionunda mübarizə aparan "Keşlə-2" komandasını cəzalanıdırıb.
Futbol
1250
6 Oktyabr , 2020 15:03
AFFA Keşləyə texniki məğlubiyyət verdi

AFFA İntizam Komitəsi Azərbaycanın I Divizionunda mübarizə aparan "Keşlə-2" komandasını cəzalandırıb.

"Report" xəbər verir ki, I turun "Kəpəz"lə oyunun (2:6) 46-cı dəqiqəsində Bakı təmsilçisinin heyətində 78 nömrəli oyunçunun yerinə  protokolda adı qeyd olunmayan 54 nömrəli futbolçu meydana daxil olduğu üçün hesab olduğu kimi saxlanılıb və meydan sahiblərinə texniki məğlubiyyət verilib. Həmçinin klub 400 manat cərimələnib.

Bundan başqa, matçda “Keşlə-2”nin 4 futbolçusu sarı vərəqə ilə cəzalandığı üçün klub 80 manat cərimə ödəyəcək. Həmçinin paytaxt klubunun 37 nömrəli futbolçusu Fərid Nadirov qeyri-idman hərəkətinə görə ikinci sarı vərəqə ilə meydançadan kənarlaşdırıldığı üçün 1 oyun cəzalanıb, komandası 20 manat cərimə olunub.

Həmçinin "Sumqayıt-2” – “Qarabağ-2” görüşündə hər iki komandanın 4 futbolçusu sarı vərəqə ilə cəzalandığı üçün klubların hərəsi 80 manat cərimələnib. Eyni zamanda meydan sahiblərinin 19 nömrəli futbolçusu Nurlan Quliyev qeyri-idman hərəkətinə görə ikinci sarı vərəqə ilə meydançadan kənarlaşdırıldığı üçün 1 oyun cəza alıb, klub isə 20 manat cərimə olunub.

Həmin qarşılaşmada oyun öncəsi polis nümayəndəsi təyin olunan vaxtda iclasda iştirak etmədiyi üçün "gənclik şəhəri" təmsilçisi 40 manat cərimələnib.

“Neftçi-2” – “Sabah-2” oyununda qonaqların 5 futbolçusu sarı vərəqə ilə cəzalandığı üçün klub 80 manat cərimə olunub.

“Qaradağ Lökbatan” - MOİK matçında meydan sahiblərinin “A” buraxılış vəsiqələri olmadığı üçün klub 80 manat cərimə ödəyəcək.

“Zaqatala” – “Turan Tovuz” oyununda Şimal təmsilçisinin 28 nömrəli futbolçusu Rüstəm Nuruyev qeyri-idman hərəkətinə görə ikinci sarı vərəqə ilə meydançadan kənarlaşdırıldığı üçün 1 oyun cəzalanıb, klub 20 manat cərimələnib. Eyni cəza "Turan Tovuz” klubunun 9 nömrəli futbolçusu Vidadi Cəfərov və Elmir Tağıyevə də tətbiq olunub. Klub isə öz növbəsində 40 manat cərimələnib.

Son xəbərlər

Orphus sistemi