AFFA İntizam Komitəsi Azərbaycan millisinin baş məşqçisini beş oyunluq diskvalifikasiya edib

AFFA İntizam Komitəsi 19 yaşadək futzalçılardan ibarət Azərbaycan millisinin baş məşqçisi Ağatahir Əzimovu beş oyunluq cəzalandırıb. 

"Report" xəbər verir ki, buna səbəb baş məşqçinin Birinci Liqada "Zəngilan"la matçda hakimi təhqir etməsidir. U-19 həm də Liqada çıxış edir. 

İntizam Komitəsi U-14 Liqasında çıxış edən "Keşlə"nin baş məşqçisi Alim Qurbanovu da eyni səbəbdən 5 oyunluq cəzaya məruz qoyub. Qurbanov "Qarabağ"la görüşdə hakimi təhqir edib.