AFFA Ayaz Quliyevin açıqlamasına münasibət bildirib

"O, milli komandaya namizəd futbolçu kimi mütəmadi diqqət mərkəzində saxlanılan futbolçulardan biridir".

Bunu "Report"a açıqlamasında AFFA-nın Mətbuat və İctimaiyyətlə Əlaqələr şöbəsinin müdiri Firuz Abdulla Rusiyanın "Ximki" klubunun futbolçusu Ayaz Quliyevin fikirlərinə münasibət bildirərkən deyib.

Milli assosiasiya rəsmisi bildirib ki, bu məsələ ilə bağlı hər hansı konkret qərar yoxdur: "Futbolçu milli komandaya dəvət olunacağı təqdirdə ictimaiyyətə müvafiq məlumat veriləcək".