ABŞ-da futbolun populyarlığı artıb

ABŞ-da futbol populyarlıq baxımından buzüstü xokkeyi keçib.

"Report"un məlumatına görə, bu barədə idman jurnalistikası üzrə mütəxəssis Pyer Mayes yerli mətbuata açıqlama verib.

Onun sözlərinə görə, "idmanın şahı" reytinqdə 4-cü pilləyə yüksəlib: "İngiltərə Premyer Liqası ilə ABŞ-ın NBC telekanalı arasında 2 milyard funt sterlinq dəyərində müqavilə futbolun artan populyarlığını əks etdirir. 2026-cı ildə ABŞ, Kanada və Meksikada keçiriləcək dünya çempionatı da bu inkişafa töhfə verə bilər".

"Ampere Analysis"in araşdırması göstərir ki, ABŞ-da idman həvəskarlarının 49 faizi futbolu televizorda izləməkdən zövq alır. Yerli əhalinin yalnız 37 faizi buzüstü xokkeylə maraqlanır.

Ən populyar idman növlərinin ilk "üçlüy"ünə Amerika futbolu, basketbol və beysbol daxildir.