​İtaliyada 23 futbolçu oyun alqı-satqısı və pul qoyuluşlarına görə cəzalandırılıb

Bakı. 9 mart. REPORT.AZ/ FİFA 2014-2015 mövsümündə İtaliya çempionatlarında keçirilmiş bir neçə matçda oyun-alqı satqısı və pul qoyuluşlarında iştirak etdiyi üçün 23 futbolçu və bir çox rəsmi şəxsi futboldan kənarlaşdırıb. "Report"un məlumatına görə, ali futbol qurumu onları 1 ildən 5 ilədək diskvalifikasiya edib. 

İtaliya Futbol Federasiyası (FİGC) və İtaliya Milli Olimpiya Komitəsinin birgə apardığı araşdırma nəticəsində futbolçuların və rəsmi şəxslərin adıçəkilən məsələlərdə iştirakı təsdiqlənib.

FİGC bəzi rəsmilərin diskvalifikasiya müddətinin ömürlük olacağını bildirib.