Azərbaycan yığmasının İsveçrə ilə səfər oyununun yeri və saatı müəyyənləşib

21 yaşadək futbolçulardan ibarət Azərbaycan milli komandasının Avropa çempionatında keçirəcəyi növbəti seçmə oyunun yeri və başlama saatı müəyyənləşib.

"Report"un AFFA-nın rəsmi saytına istinadən verdiyi məlumata görə, İsveçrə ilə səfər qarşılaşması martın 26-da Syon şəhərindəki “Stade de Tourbilion”da təşkil olunacaq. Qarşılaşma yerli vaxtla saat 19:00-da (Bakı vaxtı ilə saat 22:00-da) başlayacaq.

Qeyd edək ki, İsveçrə millisi 4 oyundan 12 xalla 2-ci qrupun lideri, 6 matçda 6 xal toplayan Azərbaycan yığması 5-ci yerdə gedir. Bu komandalar arasında 2019-cu il oktyabrın 15-də Sumqayıtdakı "Kapital Bank Arena"da keçirilmiş görüş qonaqların qələbəsi ilə yekunlaşıb - 1:0.