19 yaşadək futbolçulardan ibarət komandalar arasında AÇ-nin final oyununu azərbaycanlı hakim idarə edəcək

Bakı. 22 iyul. REPORT.AZ/ 19 yaşadək futbolçulardan ibarət komandalar arasında Avropa çempionatının final oyununu FIFA referisi Əliyar Ağayev idarə edəcək.

Bu barədə “Report”a AFFA-dan məlumat verilib.

Almaniyada təşkil olunmuş turnirin iyulun 24-də, Zinshaym şəhərindəki “Rayn-Nekar-Arena”da keçiriləcək final qarşılaşmasında Fransa və İtaliya yığmaları qarşılaşacaq.

Qarşılaşma Bakı vaxtı ilə saat 22:30-da başlayacaq.