Bakı. 24 dekabr. REPORT.AZ/ Şotlandiyanın "Seltik" klubu 15 yaşlı futbolçusu Karamoko Dembele ilə müqavilə imzalayıb.
"Report" klubun rəsmi saytına istinadən xəbər verir ki, gənc yarımmüdafiəçinin sözləşməsi 2021-ci ilə qədər nəzərdə tutulub. O, komandada 77 nömrəli formanı geyinəcək.
Bu, Dembelenin karyerası ərzində ilk peşəkar müqaviləsidir. O daha əvvəl "Seltik"in gənclər komandasında çıxış edib.
Qeyd edək ki, Dembele 2016-cı ildə 13 yaşında olarkən klubun gənclər komandasında debüt edib.